بودنيا نون اويمــــا گلــــن خيرينه             دقت ايله گلوب گيــــــدن شـــرينه

كنــــشتنه مســـــجد ينه ديـــــرينه              گوره سن اوندا كي نجه يالاندي

يازيق اولدي اوكه بونا ابناندي

برجه برجه گيد نلري سال يا دا                  گوررسن كه ديميه جاق بيرزادا

تولـــــيوب چـــوركه حـاالویا آدا                  جري ايدوب سنه اوشاق آروادي

قان ايليوب بنده لره هـــرزادي

ياديمدادي آشـــقلاري اوتوزدوم                   آجقــمدان منده ماتلاري پوزدوم

ممي بيله بيلدي دايانوب دوزدوم              فكرايتمدي كه ماتلاري پوزازرام

تازاشداندان جولالاري قازارام

بايرام گوني جولا يتدي دوزتديم            اوتوزدوم بادامـــي كـــناراگتــــديم

مازالاخ تك جغا لقيلا بيـــتد يـــم          ممي گلدي كوردي چخدي اويوندان

شاپالاغي يدي مندن بويوندان

قربان گليب توپ ارابا سالاندا           قزل كـــــريم اوينا ميــــــوب قالاندا

قوري ستارمازالاغي سالاندا              وزيلداردي فلك كيمـــــي بوزاوسته

مازالاغي ساخلياردي گوزاوسته

ايكي قران نه نم ويردي چوريه             من باخــوردوم دامدا ســــنق ديريه

بلله لـــــديم نه نم گــــورميه بيه                الله گورستمسين ســــيزه اوگوني

قره كسسو باشنداكي دويونــي

فكرايلمه چورك اليمـده قالدي        كوپك قلـــي گلـــدي اليمـــدن آلدي

اماچوخ اوتاندي نجه سارالدي            قووالاديم توتانمـــــــاديم قولوني

ديدي وورما گليم وريم پولوني

اوچ پنابت ويردي نه نم قاتغا                   تزاوتوزدوم صمديلن صـــــادغا

الله گورستمه سين دوشدي آجغا                 سوپورگه نين دويدويه سي كله مي

ايل ايلدي قان ايلدي بل لمي

بايرام گوني كش توماني گينده                   ســـــــوونرديــــم تزتزآدين دينده

ايلده بايرام گونــي دويي يينده                  كوچه لــــرده دويي ايگي گلردي

قره گوزلوبيه بيزه گولردي

شالواريمون ديزلري يرتلاندا             گوي توما نا قـره يا ماخ سالاندا

دييشردوخ تزقورخودان دالاندا               آدام ايستوراورك سوزون قاليا

ياماخلاري تزدونـــردي داليــــا

بيچين وقتي كه گيدرديم خالوارا            پيچاغنان جيب كسرديم شالوارا

كرمه لـــري تزيغارد يم تالوارا        اوتاناردوخ بري يرتخ گورنده

شاگـــــرد طرفنه ياماخ دوننده

گافيني قـــــويدوم چولـــده گلنده                              تنبه اولدوم گنه هولا ســــورنده

ساغان وقتي كنده سوري گلنده                               خانم بي بيم  كچي لري ساغاردي

بارماخلارديم گولوب منه باخار

خالوارگليب يغشاردي خرمنه                                  هولا ســـورماخ تك يتشردي منه

زوورخالام تزديـــــردي گلنه                              كنديده چوداريم آشــــــيرداشيري

گوگه ياپام بيرايـــــلده اولمازياري

زيا جوانــيدي سيلـــــلرآپاردي                               جمال بي بيم ياغلي كوكه ياپاردي

آلا كوپك گيجه چوخون قاپاردي                             چوخ اوليوب هامي گلـــردي جانا

قارياغاندا آپاراردوخ دوشانا

چارلــياندا مالا چووش دينده                                                    پاييزاولـــــجاق خراســــانا گيدنده

ياديمدادي بايرام طوي ايلينده                                                 عاشق سلمان كوراوغلودان ديردي

ركلي جوراب نه نم ويروب گيردي

كوفله اوگون گون چخاندا توتولدي                                      اوش خوروزوم توستي دييب بوغولدي

پيه ميزده ايكي دايچادوغولـــــدي                                      غـــــــلام ديدي عجب دايــــچادوغوبدي

خوروزاولوب الله خاتا سووبدي

ناهارچاغي مطباخدا قالدوخ گيره                                        مشقــــفه ارســــيندن دوشوب تند يره

قـــــــووورقا گلنده ديدوخ بيربيره                                        كســــماغا ديديلـــــربيرخوروزآلون

خكندازدابيرآزاوزرليك سالون

آخشام چاغي بولاخ باشين كسردوخ                                    ميــــرغافارگلـــنده يل تك اســــردوخ

فشقا چاليب بيربيرچپيك چالاردوخ                                     غلام گــــــــليب گوزوراردي نرگيزه

قورخوسوندان ايده ويرردي بيزه

ياديمدادي ممي چــــــــخوب قاچاندا                                      هــاراي دوشــــدي آياخ يري اوچاندا

چمــــــنلرده يازدا چــــچك آچـــاندا                                       بيچين وقتي دوشان دوروب قاچاردي

ككليك بالاري دوروب اوچاردي

گول ديبنده دوشــــــان بالا قوياندا                                        ســـونجوق آتوب دايچا بيزي قوواندا

طـــــــويدا قزلاراله حنا قــــوياندا                                         آدام ديورحــــــــوري گليب دي كنده

قان دوشردي كدخدا ني سوونده

مشد علينون كسنده هرگون اتي                                          گيــــــتمزدي داما خـــــدان اونو لذ تي

شوربا گلنده پوزاردوخ نوبتي                                           آزاولانـــــدا من جغـــــاللق ايدرديــــم

كورسويه يالاندان باخوب گيدرديم

اوكوزلره بويوندوروخ قوياندا                                          ماهـــــنا گلـــــرديم قا رنمـــزدويا ندا

چله گوني قرالاري ســـــوياندا                                          حلمه خالام آجخلا نوب ســـــويردي

آجقندان باش گوزونه دويردي

چرشـــنبه يميشي گلنده كـــنده                                           اود وراردوخ ايلده آخــــرچـــرشنبه

تزديردوخ آتل ماتل چرشنبه                                            ايده ايله قـــــزلاربخـــتين آچا ردوخ

بادام اليب خان نه نمدن قاچاردوخ

كرملخدا سيلدن شاپا چالاردوخ                                        اوتاندا هــــــركــــــسي ياپپا آلاردوخ

ويرمينده تزجولاني قاتاردوخ                                         واي اوندادي كچل صـــــمد گلـــــــنده

بيزلنـــــقوج النده يامان دلنده